SuperDizionari

restâ dûr loc.v.

Restâ fer e in tension

esemplis

"dome la idee di scugnî traviersâ la cusine sot dai voi di Berto, i de i sgrisui. Si che e restà dure intal so puest"

gjavât fûr di "Trê feminis" di Gianni Gregoricchio

restâ dûr loc.v.

Restâ fer intune decision, intune sielte, intune maniere di ponisi e v.i.

esemplis

"cuant che une dì i veve mandât a domandâ jerbis par stagnâ une mosse di cuarp, il Bide al jere restât dûr e no lu veve contentât. "Che si purghi! …""

gjavât fûr di "Il Bide di Miot" di Maria Forte

restâ dûr loc.v.

Murî

sinonims

murî, lâ, lâ cun Diu, passâ, spirâ, lâ cun Gjo, lâ in chel altri mont, lâ in cîl, lâ in paradîs, lâ a fâ tiere di citis, lâ a fâ mantiis di bocâl, lâ a sintî cjantâ i grîs, crepâ, sclopâ, dâ un sclop, dâ un ton, tirâ sù i scarpets, tirâ il pît, tirâ i sghirets, tirâ la ghete, tirâ la sgripie, tirâ la gjambe, distirâ i cracs, lâ a fâ la spie al farc, lâ a fâ tiere di bocâi, finî di patî, lâ a supâ lis lidrîs pal poc, lâ al Creatôr, lassâ la sedon, lâ a mangjâ il lidric pal poc, lassâ la scudiele, lassâ la scusse, tirâ i stivâi, lassâ la piel

esemplis

"jê a lu cjatà bagnât e freit, a sa lu tirà sot sul stomi e a tacà a sfladâi intor, bel che a zeva burint par rivâ a cjasa prin che a i fos restât dûr"

gjavât fûr di "La agna Mia di Ristec" di Novella Cantarutti

monolengâl